Имандылық – мұсылман келбеті Иман деген не? Араб тілінде «әмәнә», етістігінен шығып илану, сену,бой ұсыну дегенді білдіреді. Адамзаттың асыл тәжі Мұхаммет (с.а.у.) иман туралы: «Иман дегеніміз – Аллаға, Оның періштелеріне, Оның кітаптарына, Оның елшілеріне, ақырет күніне иман келтіруің және тағдырдың жақсылығы мен жамандығына иман кетіруің», – дейді. Яғни, соңғы Елшінің әкелген барлық нәрсесін (Құран, хадистер, құлшылықтар, әмірлер мен тыйымдар) мойындап, қабылдау, жүзеге асыру дегенді білдіреді. Осы айтылғанды ескеріп, имам Әбу Ханифа (р.а) «Уәсия» атты кітабында иманға қысқаша мынадай анықтама береді: «Иман дегеніміз – тілмен айтып, жүрекпен бекіту».